DISKOA

Maizter hau, maizter askok habitatzen dute.

Soila, soinu naturalistez betea, Larburu bere estudio propioan ari da grabatzen, atmosfera artisauagoa jaso asmoz.

Hemen, gitarra klasikoa, ahotsa, biolina eta soinu organikoak, txori, erreka, baso, haize, auto, grua eta auzoen zaratarekin bizi dira, folk progresibodeitu litekeen zerbait sortuaz, estilorik finka baliteke.

Entzute abiapuntua eta Larbururen ubikazioa orbitan ibiliko dira, musika orain hemendik, gero handik somatzen delarik. Diskoa transitatzeko espazio bat izango

baita: kantu batetan sartzen zarenean beste hainbat eremu anitzetara irtengo zara, eta buelta atzera; nor noren maizter den jakin beharrik gabe.

Mikel Azpirozek musikalki eta Koldo Corellak espazialki nahasturik, Maizterrek dimentsio desberdina hartuko du kaskoekin entzuterakoan, mugak eta abiapuntuak are lausotuaz.

Efimeroa da musika, efimeroak gu, maizter gara munduaren, gorputzaren, bizitzaren eta soinuaren.

Entzun Maizter WIP hemen.

(Kaskoak erabiltzea gomendagarria da).

ZUZENEKOA

Zuzenerako bi proposamen aurkeztuko dira: hirukotean espazio handietarako eta bakarka/

bikoan espazio txiki edo bereziagoetarako.
Helburua Maizter unibertsoa espazioaren berezitasunarekin fusionatzea izango da.

Hirukotean, Karlos Arancegui eta Carlos Taroncher izango dira kide berriz ere.

Bakarka edo binaka berriz, emanaldia biluziago eta gertukoagoa izango da, akaso, Maizterraren eremu hori bere gordinean erakutsiaz.

EPEAK

Diskoak 2025eko udaberrian ikusiko du argia eta zuzenekoek ere ordutik aurrera jarriko dira abian.